Odatda bir-ikki ish kunida javob beramiz. Xat yozganda qurilma modeli va iOS versiyasini qoʻshsangiz, muammoni tezroq topamiz.
Tez-tez soʻraladigan savollar
Hisob ochish shartmi?
Namoz vaqtlari, qibla, zikr va hadis hisobsiz ham toʻliq ishlaydi. Qurʼonni oʻqish va tinglash uchun hisob kerak — xatchoʻplaringiz, yodlash tarixingiz va qayerda toʻxtaganingiz shunda saqlanadi.
Internetsiz tinglash mumkinmi?
Ha. Suralar roʻyxatidagi yuklab olish belgisini bosing — shundan keyin oʻsha sura internetsiz ham ishlaydi. Yuklab olinganlarni Profil → Yuklab olishlar boʻlimida koʻrasiz va oʻchirasiz.
Namoz vaqtlari notoʻgʻri koʻrinmoqda
Vaqtlar joylashuvingizga qarab hisoblanadi, shuning uchun avval Sozlamalar → Iqro → Joylashuv ruxsatini tekshiring. Shahringizni qoʻlda ham tanlashingiz mumkin. Mazhab tanlovi Asr vaqtini oʻzgartiradi — Hanafiy va Shofeʼiy uchun u boshqacha boʻladi.
Tarjima tilini qanday oʻzgartiraman?
Profil → Sozlamalar boʻlimida tarjima tilini (oʻzbek, ingliz, rus), transliteratsiyani va arab shrifti oʻlchamini oʻzgartirasiz. Oʻqish paytida “Aa” tugmasi ham shu sozlamalarni ochadi.
Talaffuzimni yozib olsam, u qayerga ketadi?
Hech qayerga. Talaffuz mashqidagi yozuv faqat qurilmangizda qoladi va uni qori bilan solishtirish uchun ishlatiladi. Hech qanday serverga yuborilmaydi.
Hisobimni va maʼlumotlarimni oʻchirmoqchiman
Ilovani oʻchirsangiz, qurilmadagi barcha oʻqish va yodlash maʼlumotlari u bilan birga ketadi. Hisobingizni butunlay oʻchirish uchun support@iqro.space ga yozing — kirgan email manzilingizdan yozsangiz kifoya.
Xatolik topdingizmi?
Tarjimada, transliteratsiyada yoki hadis matnida xatolik koʻrsangiz, aytib yuboring. Qaysi sura va oyat ekanini yozsangiz, tezda tuzatamiz.